Sulmuesi shqiptar i Gjermanisë i shënon gol Anglisë në Europianin e 21-vjeçarëve (VIDEO)

Sulmuesi me origjinë shqiptare, Nelson Veiper, ka gjetur rrugën e rrjetës mbrëmjen e sotme me fanellën e Gjermanisë U21, në duelin ndaj Anglisë U21.

Në minutën e 33-të, pa një harkimi të Knauf nga e djathta, 20-vjeçari Veiper, nuk fali brenda zonës, duke goditur saktë me kokë.  

Vlen të theksohet fakti se Nelson Veiper, është me nënë shqiptare dhe baba gjerman, teksa pak kohë më parë ishte i pranishëm edhe në “Elbasan Arena”, ku ndoqi nga tribuna një sfidë.  

Vëllai i Nelson Veiper, Enrik Veiper ndërkohë ka qenë pjesë e Kombëtares së moshave të Shqipërisë, teksa luan si portier. 

Për sa i përket Nelsonit, ai momentalisht është pjesë e Maincit, në Bundesligën gjermane, ku sezonin e shkuar u aktivizua 23 ndeshje duke shënuar 3 gola.  

GOLI I VEIPER: VIDEO