Federico Valverde shihet nga shumëkush, si një nga mesfushorët më të mirë në botë. Zotësia e tij, për të qenë i dobishëm edhe në pjesë të tjera të fushës, e ka bërë atë një futbollist polivalent, me Realin e Madridit që planifikon t’a bëjë atë, një nga lojtarët kryesorë, të ekipit për dekadën e re.
Futbollisti i njohur fillimisht si “El Pajarito” (Lejleku), u dallua, në fillimet e karrierës së tij, te skuadra e vendlindjes së tij, Penjarol i Montevideos, me klube elitare si Arsenal, Chelsea, Barcelona dhe Real Madrid, që shfaqën interes për blerjen e tij. Në fund, ishin kryeqytetasit spanjollë që fituan garën për Valverden.
Pas integrimit në skuadrën e Castillas (ekipi “B” i Realit të Madridit), Valverde u huazua, në vitin 2017, te Deportivo La Korunja, ku zhvilloi 24 ndeshje me bardheblutë. Eksperienca në veri-perëndim të Spanjës, bëri që ai të kthehej në bazë, si një lojtar më i mirë.
Pas sezonit 2018-2019, kur uruguaiani ishte ende në margjinat e formacionit, ishte “sezoni i pandemisë” 2019-2020, ai që e pa Valverden si një nga protagonistët e fitimit të titullit kampion, në urdhrat e trajnerit francez Zinedine Zidane.
Në 12 janar të vitit 2020, Valverde u bë protagonist i një ndërhyrje anti-sportive ndaj Alvaro Moratës, në finalen e Superkupës së Spanjës, përballë Atletico Madrid. Në atë rast, sulmuesi po shkonte i vetëm drejt portës së Courtois, me Feden që u detyrua ta rrëzonte kundërshtarin duke e penguar. Ky ishte rasti më vendimtar i asaj finaleje, me “Los Blancos” që triumfuan me penallti përballë rivalëve të qytetit.
Ajo ndërhyrje i dha kartonin e kuq, por e bëri gjithashtu, një nga beniaminët e tifozërisë “merengue”, të cilët e pritën me duartrokitje në ndeshjen pasardhëse.
Pas sezonit 2020-2021, pa tituj por me paraqitje të shkëlqyera në nivel personal, Valverde ishte përsëri vendimtar, në sezonin 2021-2022, me Realin e Madridit, që nën urdhrat e teknikut legjendar Carlo Ancelotti, fitoi përsëri Kampionatin Spanjoll, triumfi i dytë kombëtar në shtetin iberik për Valverden, i cili u aktivizua në 31 takime në atë fushatë të suksesshme.
Gjatë atij sezoni, më 12 janar 2022, uruguaiani, në duelin ndaj Barcelonës, të vlefshëm për fazën gjysmëfinale të Superkupës së Spanjës, shënoi golin e fitores, duke e kualifikuar skuadrën e tij në finalen e turneut (të cilën Reali e fitoi, përballë Athletic Bilbaos).
Më 28 maj 2022, Fede Valverde, fitoi për herë të parë, trofeun e UEFA Champions League, në finalen e zhvilluar në Paris, kundër Liverpoolit. Goli i vetëm, i realizuar nga Vinicius Jr., erdhi si rrjedhojë e një asisti të uruguaianit.
https://www.facebook.com/ChampionsLeague/videos/vin%C3%ADcius-j%C3%BAnior-goal-vs-liverpool/443778411023222/
Sezoni 2022-2023, ishte i kushtëzuar disi nga problemet personale, mbi të gjitha me frikën e humbjes së fëmijës së tij të dytë. Në fund, gjithçka shkoi mirë, me klubin që triumfoi në Superkupën e Europës, Botërorin e Klubeve dhe Kupën e Spanjës.
‘I gdhendur’, nën mësimet e mesfushorëve elitarë si Luka Modric, Toni Kroos e Casemiro, Fede ka bërë tashmë kapërcimin në cilësi, me hapa të shpejtë, duke bërë që klube, si Chelsea dhe Liverpool të tentojnë blerjen e tij.
Reali i Madridit, nga ana e vet, nuk mendon aspak që t’a largojë, pavarësisht ofertave të majme. Fede, i cili ka kontratë me mbretërorët deri në vitin 2027 do të ketë në dorë çelësat e mesfushës (e jo vetëm), me talentet e reja te skuadrës që do dëgjojnë me kujdes këshillat e tij.
Pavarësisht se i ka fituar, që tani, të gjithë turnetë e rëndësishëm për klube, “Falkoi” është i uritur për tituj, dhe do të punojë fort, së bashku me Vinicius dhe pjesën tjetër të skuadrës që do provojnë që në sezonin e ri, të fitojnë si La Ligën, ashtu dhe Champions League, pa harruar Superkupën dhe Kupën e Spanjës./m.b /gijotina.com
https://www.facebook.com/watch/?v=996254851388432&__cft__[0]=AZXjC3Uy-P5MYg7p0mQ1EV3kA9LllrQ33UbIUa18ntscCA-timKKLiRGLnfJbgnXGvedlFT9K0o12AyQuofTji4j6cF98gSwmZjUPRKN960_7-crAsXJMbsrFdcowwbAkAxhhJU2Pk4YJTnZb4x_yfbLG-jj9JtwXul4-ljahTqUPrHfts4BhAoUGm1Idc7B_1UtepHFVeFlC8J2aK_Bk1lH&__tn__=%2CO%2CP-R
Discussion about this post