Blendi Gonxhe është emëruar nga Edi Rama si ministër i Ekonomisë, Kulturës dhe Inovacionit. Me krijimin e një dikasteri të ri, Kryeministri largon nga Qeveria Elva Margaritin, sikundër i heq gjysmën e kompetencave dhe emërtimit Ministrisë së Financave dhe Ekonomisë, e cila mbetet thjesht Ministria e Financave.
Gjithashtu dikasteri që do të drejtojë Gonxhe do të përfshijë edhe Inovacionin, duke e kthyer kështu në një super-ministri që nis me Ekonominë, vijon me Kulturën dhe përfundon me Inovacionin. Duket se “nuklat e inovacionit” që krijoi në çdo dikaster në gusht të 2023-it, do të kalojnë nën kompetencat e ministrisë që do të drejtohet nga Blendi Gonxhe, duke e bërë kështu një ndër 3 ministrat më me shumë kompetenca në qeverinë Rama.
Kryeministri nuk ka humbur kohë dhe i ka propozuar Presidentit të Republikës emërtimin e Gonxhes, që në mënyrë indirekte do të zëvendësojë Elva Margaritin, që prej disa vitesh drejtonte Ministrinë e Kulturës.
Discussion about this post