“Abissnet Superiore” do të rikthehet këtë fundjavë, për ndeshjen e javës së tretë. Ndeshja e parë do të jetë ajo mes Egnatias dhe Skënderbeut, sfidë e përcaktuar për t’u zhvilluar të premten në Rrogozhinë prej orës 18:30.
Të shtunën radhën priten ta marrin dy sfidat e tjera. Laçi sfidon Teutën në Kurbin, duel i përcaktuar për t’u nisur prej orës 16:00, ndërsa 2 orë e gjysmë më vonë, më saktësisht 18:30, Vllaznia pret në Shkodër Partizanin.
E diela është dhe dita që përmbyll javën me Tirana – Vora dhe Dinamo – Elbasani. “Bardheblutë” e Dean Klafuriç do të presin në “Selman Stërmasi” vorakët, sfidë e cila nisë në orën 16:00. Ndërsa, skuadra tjetër kryeqytetase “mat forcat” me Elbasanin në “Elbasan Arena”, ndeshje që do të luhet në orën 18:30.
Discussion about this post