Formati i ri i Kategorisë Superiore është komentuar shumë këto ditë duke shkaktuar debat mes grupeve të interesit si dhe tifozëve të cilët e kanë vlerësuar si dhe kritikuar duke dhënë dhe arsyet e ndryshme për opinionin e tyre.
Njëri prej personave më të fundit që është shprehur në lidhje me formatin e ri të kampionatit kombëtar të futbollit është dhe presidenti i Dinamos së Tiranës, Ardjan Bardhi, i cili e mbështet ndryshimin që ka bërë Komiteti Ekzekutiv i FSHF-së, në formatin e Superiores.
“Skema e re e kampionatit mendoj se është shumë e mirë, fantastike. Është më bukur që 4 skuadrat e para të diskutojnë titullin mes tyre në fund. Besoj se do të rritet interesi në kampionat edhe për vendin e 4-t, që në fund do të ketë shanse edhe për titullin kampion.
Po ashtu, mund të shmangen situata të tilla, si ato të që dy skuadra e përfundojnë kampionatin me pikë të barabarta. Është një vendim për t’u përshëndetur”, ka thënë kreu i klubit blu për median shqiptare “Panorama”.
Discussion about this post