Laçi ka marrë fitoren e parë të sezonit në javën e 9-të të Kategorisë Superiore. Kurbinasit mposhtën 3-1 një kundërshtar që shihet si pretendent për titullin siç është Vllaznia. Sfida u zhbllokua në minutën e 18-të ku portieri Dajsinani shkaktoi autogol duke kaluar në avantazh shkodranët. Baraspesha u kthye në minutën e 45-të nga Enriko Papa. Kështu u mbyll pjesa e parë e sfidës. Në 45 minutat e dyta, kurbinasit nuk i lanë asnjë hapësirë shkodranëve. Ata shënuan dy gola për 3 minuta me Mjakin dhe Melon. Pavarësisht tentativave për gola të tjerë sfida u mbyll me shifrat 3-1 për Laçin. Kështu trajneri Moriero e nis si duhet punën e tij duke debutuar me fitore. Me këtë rezultat, Laçi ngjitet momentalisht në vendin e 9-të me 6 pikë, ndërsa nga ana tjetër Vllaznia mban vendin e 4-t me me 14 pikë.
Tirana dhe Dinamo janë ndarë në një barazim pa gola. Në këtë takim i cili u zhvillua në stadiumin e Vlorës u anuluan dy gola ndërsa dy traversa i mohuan golin Tiranës. VAR-i prishi festën e të dyja skuadrave, pasi fillimisht do të anulohej goli i Soler dhe më pas i Vilës për pozicione jashtë loje. Minutat e mbetura nuk do të prodhonin ndryshim të rezultati dhe në këtë mënyrë kryeqytetit “mbetet” pa fitues.
Në takimin tjetër, Egnatia mori 1 pikë shumë të vlefshme ndaj Teutës në “Egnatia Arena”. Rrogozhinasit në këtë duel mbeten me 9 lojtarë, pasi dolën me të kuq Dyliss dhe Guma. Por pavarësisht avantazhit numerik në fushën e lojës, durrsakët e Edi Martinit nuk ia dolën të “çajnë” rrjetën e kampionëve. Kështu edhe Egnatia me Teutën ndajnë pikët.
Discussion about this post