Superiorja rikthehet me duelet e javës së shtatë dhe në program për ditën e sotme janë tre ndeshje mjaft të rëndësishme dhe të forta.
Dy prej tyre nisin në orën 15:00. Pa diskutim që sfida mes Tiranës e Laçit merr vëmendjen kryesore, për rivalitetin mes këtyre skuadrave vitet e fundit.
Bardheblutë vijnë pas fitores në derbi ndaj Partizanit, kurse kurbinasit janë mposhtur në 5 ndeshje rresht dhe renditen në vendin e fundit.
Takimi tjetër që luhet në të njëjtën orë është Erzeni-Egnatia, me vendasit që do tentojnë të reagojnë pas humbjes së parë në kampionat kundër Bylisit.
Dita në Superiore mbyllet me duelin më të rëndësishëm të javës, Vllaznia-Partizani. Shkodranët do tentojnë të tregojnë se janë për titull, ndërsa Partizani do të lërë pas humbjen në derbi dhe të ruajë vendin e parë.
Discussion about this post