Italia ka vendosur të ndjekë shembullin e Spanjës duke modifikuar rrënjësisht një nga turnetë e saj më të famshëm.
Një marrëveshje e re është arritur mes Serisë A dhe Arabisë Saudite, ku do të vazhdojë të luhet Superkupa e Italisë.
Presidenti i Ligës Italiane, Lorenzo Casini, ka bërë të ditur të hënën se, gara për këtë event të futbollit italian do të zhvillohet sërish atje sezonin e ardhshëm, një traditë e nisur më 2018. Por kësaj here do të organizohet në një format me katër klube.
Formati i ri, parashikon që pjesëmarrëse të jenë, dy finalistet e Kupës së Italisë si dhe vendi i parë e i dytë i Serisë A.
Tre nga pesë edicionet e fundit janë kontestuar në shtetin e Gjirit, në një marrëveshje me vlerë 21 milionë euro.
Një zyrtar italian sqaroi se kontrata e re do të sillte 23 milionë euro për të organizuar një garë me katër ekipe dhe 12 milionë euro për të organizuar një finale me një ndeshje, një format që më pas mund të favorizohet vit pas viti.
Pra, motivi i këtij modifikimi të formatit është i thjeshtë… paratë.
Discussion about this post