Superliga e Kosovës, ja ndeshjet që hapin sezonin e ri

Superliga e Kosovës do t’i rikthehet aksionit nesër pas më shumë se dy muajve në pushim.

Tri ndeshje tejet interesante do ta hapin nesër xhiron e parë të sezonit të ri 2023/24 në kampionatin elitar vendor, raporton KosovaPress.

Që të tri ndeshjet do të zhvillohen në orarin e njëjtë, me fillim nga ora 17:00.

Skuadra e Dukagjinit do të pres në shtëpi Malishevën, kurse Gjilani është mysafirë i skuadrës së sapo inkuadruar në Superligë, Fushë Kosovës.

Ndërkaq, edhe pse në rolin e vendasit, Prishtina do të zhvillojë nesër ndeshjen me Feronikelin në stadiumin e Kampit Nacional në Hajvali.

Më poshtë mund ta gjeni programin e Superligës së Kosovës:

17:00 Dukagjini – Malisheva

17:00 Fushë Kosova – Gjilani

17:00 Prishtina – Feronikeli