Superliga e Europës është rikthyer me e fortë se kurrë me Juventus, Real Madrid dhe Barcelona që kanë propozuar risi për turneun përfshirë dhe rregullat e reja. Në lidhje me temën e nxehtë, është shprehur presidenti i La Ligas spanjolle Javier Tebas i cili në rrjetet sociale siç pritej ka sulmuar iniciatorët e projektit:
“Superliga është si ai ujku që maskohet si gjyshe dhe që kërkon të mashtrojë futbollin europian. Por, hunda dhe dhëmbët janë të mëdha, katër divizione në Europë? Sigurisht, divizioni i parë do të jetë për ato që konsiderohen elitë, ashtu si ishte edhe ideja në vitin 2019. Qeverisja e vetë klubeve? Po, sigurisht këtu do të përfshihen vetëm ato që konsiderohen të mëdha”, shkruan Tebas.
Ky projekt i prezantuar në vitin 2021, ndau opinion publik mes atyre që ishin kundër iniciativës edhe atyre që e shihnin si një fund të monopolit të UEFA-s në futbollin e “Kontinentit të Vjetër”.
Discussion about this post