Kampionati po shkon drejt fundit dhe ende ka shumë pa u përcaktuar. Përveç Erzenit dhe Kukësit që kanë rënë, të gjitha ekipet e tjera janë në garë.
Lufta më e fortë, është për vendin e katërt, aty ku duelojnë plot katër skuadra. Dinamo me 47 pikë, ka për të luajtur dy ndeshje të forta, me Egnatian dhe Teutën.
Skënderbeu, po ashtu me 47 pikë, sfidon Laçin në shtëpi dhe më pas Vllazninë në transfertë. Kalendar i vështirë edhe për Tiranën, që mban vendin e gjashtë me 46 pikë dhe në dy ndeshjet e fundit sfidon Vllazninë dhe Egnatian.
Teuta e vendit të shtatë, ka kalendar disi më të lehtë, pasi përballet me Erzenin dhe më pas me Dinamon.
Discussion about this post