Ditën e sotme do të nisë java e 10 e Superligës me sfidën Partizani-Teuta. Ata do të ndeshen në orën 16:45 në stadiumin ‘Elbasan Arena’, në një takim që pritet të jetë shumë interesant dhe i luftuar, duke ditur rivalitetin që ekziston mes këtyre dy skuadrave.
‘Të kuqtë’ e kryeqytetit janë duke kaluar një fazë të parë shumë të rëndë këtë sezon, ku në 9 takime ka fituar vetëm një kundër Kastriotit me rezultatin 2-0 dhe aktualisht renditet në vend të 8 të tabelës me 9 pikë gjithsej.
‘Djemtë e Detit’ po ashtu nuk janë në formë e tyre më të mirë, pasi nga titulli kampion i sezonit të kaluar, këtë kampionat deri më tani mban vendin e 4 me 13 pikë gjithsej. Ndërsa tre javët e fundit edhe Teuta po vuan mungesën e fitoreve.
Java e 10 e Superligës do të vijojë të shtunën me ndeshjet Skënderbeu-Tirana në orën 16:45 dhe Vllaznia-Laçi në orën 19:45 ndërsa të dielën me Dinamo-Kastrioti në orën 13:45 dhe Kukësi-Egnatia po në të njëjtën orë./K.T/Gijotina.com
Discussion about this post