Këtë të dielë në kuadër të javës përmbyllëse të Superligës Shqiptare, do të luhen dhe dy takimet e mbetura të këtij kalendari.
Në orën 13:45 janë përcaktuar të luhen të dyja takimet, ku Partizani do të përballet me Kastriotin ndërsa Laçi me Teutën.
‘Të kuqtë’ e kryeqytetit do të udhëtojnë në transfertë në stadiumin e Kamzës për tu përballur me Kastriotin, ndeshje ‘egzistence’ kjo pasi të dyja skuadrat gjënden në fundin e tabelës së përgjithshme.
Nga ana tjetër durrësakët e Teutës do japin çdo gjë në transfertë ndaj kurbinasve për mos ta lejuar Tiranën të marrë arratinë e vetme drejt kreut.
Tirana pas triumfit 4-0 kundër Dinamos këtë të shtunë, ka krijuar një shkëputje të konsiderueshme nga kundërshtarët, dhe ndjekësit më të afërt nuk mund të hedhin hapa të gabuar.
Discussion about this post