Ndodh edhe kështu, të gjuash tri herë nga pika e bardhë e penalltisë dhe të shënosh vetëm në një rast. Bëhet fjalë për futbollistin e Skënderbeut, Dean Liço, që në sfidën me Erzenin në transfertë është bërë protagonist nga pika e bardhë.
Fillimisht është akorduar një penallti në minutën e 22-të të sfidës, në këtë rast Liço është treguar i saktë.
Katër minuta më vonë, korçarët kanë fituar të drejtën e një tjetër penalltie, Nikaj është rrëzuar në mënyrë të parregullt brenda zonës. Përsëri Liço ka marrë përsipër ekzekutimin, por kësaj radhe ka gabuar duke u ndalur nga shtylla.
Por gjithçka është përsëritur, pasi lojtarët e Erzenit janë futur brenda zonës. Edhe njëherë Liço, por është ndalur nga portieri i shijakasve, Hasanbelli, minuta e 29-të e sfidës. Tri penallti, vetëm një gol i shënuar.
Discussion about this post