Për skandalin e publikimit të pagave të mbi 637 mijë punonjësve shqiptarë, ka reaguar edhe ish-kryeministri Sali Berisha. Berisha e konsideron këtë një superskandal, ndërsa ka akuzuar kryeministrin Edi Rama, i cili sipas tij ka nxjerrë në pazar pagat e punonjësve.
“Superskandal i fundit i narkoshtetit! Kreu i meduzës dhe banda e tij në narkoqeveri në një superskandal që mund të ndodhë vetëm në një narkoshtet nxori në pazar edhe pagat e të gjithë punonjësve, zyrtarëve të narkoshtetit të tij. Ky akt i shëmtuar është dhe superskandali më i madh dhe goditja më e rëndë për qëllimet elektorale por dhe të tjera të zeza të një të dhëne personale kryesore siç është paga për të gjithë punonjësit e Shqipërisë. Narkoshteti është shteti i bandave dhe drogës! Dënoj me ashpërsinë më të madhe këtë akt të pashembullt që dëshmon dhe njëherë fytyrën e zezë të narkoshtetit dhe kreut të tij të meduzës Edvin Rama”, shkruan Berisha.
Lista, një dokument në formatin “excel” është duke qarkulluar në “Whats App” masivisht edhe përbën një shkelje flagrante të të dhënave personale të qytetarëve. Një skandal i ngjashëm u publikua disa ditë para 25 prillit, ku patronazhistët e qeverisë “Rama”, ndikuan që ky i fundit të fitonte për herët të tretë zgjedhjet parlamentare.
Discussion about this post