Sylvinho ka ndjekur nga afër dy nga ndeshjet e Serie A ku aktivizohen dy prej kuqezinjve. Të shtunën, trajneri brazilian ndoqi nga afër ndeshjen Inter-Hellas Verona, ku mesfushori kuqezi Kristjan Asllani u aktivizua për rreth 35 minuta.
Të dielën, tekniku i ekipit kombëtar ndoqi ndeshjen tjetër të kësaj jave në kampionatin italian, Roma-Fiorentina, ku mbrojtësi shqiptar Marash Kumbulla u rikthye si titullar në radhët e verdhekuqve dhe luajti për 90 minuta.
Ndërkaq, trajneri Sylvinho do të ndjekë edhe mbrëmjen e sotme ndeshjen tjetër të Serisë A, Empoli – Sampdoria, ku luajnë dy kuqezinjtë, Ardian Ismajli e Nedim Bajrami.
Discussion about this post