Kombëtarja kuqezi është futur në ditët e fundit përgatitore të ndeshjes me Poloninë që do të luaj ditën e hënë më 27 mars në Varshavë.
Në këtë fazë të përgatitjeve trajneri Sylvinho ka filluar edhe truket e tij dhe një të tillë e përdori mbrëmjen e djeshme, ku pas njoftimit për seancën stërvitore me dyer të mbyllura në “Shtëpinë e Futbollit”, ai ka zhvilluar një ndeshje kontrolli në “Elbasan Arena”.
Sigurisht duke ju ruajtur ë tepër ndonjë vëzhguesi polak se sa mediave shqiptare apo kuriozëve.
Ndërkohë në konferencë për shtyp ka folur Klaus Gjasula, ja disa nga deklaratat e tij:
GJENDJA FIZIKE – “Gjendja fizike është në rregull. Luajta 20 minuta në ndeshjen e fundit, isha ok, por të shohim nëse do të jem në gjendje të luaj nga minuta e parë. Do të jap maksimumin nëse luaj, dua të ndihmoj shokët.
QENDRA E MBROJTJES – “Po, do të isha gati të luaja edhe në qendër të mbrojtjes. Jam mësuar me atë rol. E vendos trajneri, por jam gati të luaj në mbrojtje”.
ATMOSFERA – “Kemi një frymëmarrje të re, trajneri ka shumë energji. Jemi optimistë që do të bëjmë mirë”.
SYLVINHO – “Çdo trajner ka idetë e veta për të luajtur futboll. Kemi një skemë të re, të gjithë janë dakord dhe do të japin maksimumin. Trajneri na është dukur shumë mirë në ditët e para. Me emocion dhe energji, ka qenë shumë mirë deri tani”.
NDESHJA – “Ne shkojmë në Poloni për të kapur maksimumin, por edhe një pikë është mirë”.
“Të dy ndeshjet me Poloninë kanë treguar se mund të marrim pikë. Ata kanë kualitete të mira. Do të jemi shumë të përqendruar që të mos bëjmë gabime. Kjo është ajo që ka më shumë rëndësi”.
Sylvinho na ka treguar idetë e veta. Në të ardhmen do të bëhet më mirë”.
Discussion about this post