Qeveria ka vënë disa herë në shënjestër zonën turistike “Syri i Kaltër”, por në të gjitha herët është tërhequr nga denoncimet që janë bërë nëpër mediat. Shumë herë janë tentuar ndërtime apo dhënia me koncesion e kësaj zone te privatët, por ka shpëtuar për pak falë bujës në media. Këtë herë ministrja e Mjedisit, Mirela Kumbaro, duket se do të çojë në fund planin shkatërrues që nuk e vazhdoi dot ish-ministri Blendi Klosi.
Në një dokument që po qarkullon në media, tregohet se Agjencia e Zonave të Mbrojtura ka hapur një tender rreth 333 milionë lekë për ndërtime në këtë zonë, çka të jep përshtypjen se shumë shpejt edhe kjo bukuri natyrore do të kthehet në pronë private.
Ky dokument tregon se, AKZM-ja, e drejtuar nga Zamir Dedej, ka hapur tenderin me objekt “Ndërtimi i hapësirave publike për akomodimin e automjeteve dhe aksesimin e tyre në zonën e mbrojtur Syri i kaltër”.
Sigurisht që Mirela Kumbaro i ka dhënë mbështetjen e plotë dhe Dedej po synon që Syri i Kaltër t’i kalojë privatit. Dokumenti shoqërohet edhe me një hartë, ku tregohet se parkimi do të vendoset në rrugën Qafa Muzinë-Sarandë, pra disa kilometra larg Syrit të Kaltër. Sigurisht që ky parkim i cili do të ndërtohet nga kompania që fiton tenderin do të jetë privat dhe kështu ngadalë çdo cep rreth “Syrit të Klatër” do privatizohet.
Në dokumente thuhet se Agjencia Kombëtare e Zonave te Mbrojtura, synon që ndërtimin e hapësirave publike për akomodimin e automjeteve dhe aksesimin e tyre në zonën e mbrojtur “Syri i Kaltër”.
“Parkimi është pas ndërtimit të rrugës lidhëse dhe shëtitores të zonës së mbrojtur të ‘Syri i Kaltër’” thuhet në dokumentet e këtij tenderi, çka do të thotë s enë të ardhmen ai do të bëhet pengesë që qytetarët të hyjnë lirshëm, siç kanë bërë deri më sot, për të vizituar këtë mrekulli natyrore. Por sigurisht që Kumbaros kjo nuk i bënë përshtypje, pasi prej kohësh kanë shfaqur etje për të zonë, tani po fillojnë ta përpijnë./ E.H/ Gijotina.com
Discussion about this post