Superiorja dhe Kategoria e Parë vijojnë garimin dhe në program për sot janë 10 ndeshje. Dy prej tyre luhen për llogari të Abissnet Superiore dhe bëhet fjalë për “finale”.
Kastrioti-Egnatia luhet në orën 16:45 dhe dy skuadrat synojnë të sigurojnë mbijetesën direkt dhe do japin gjithçka në fushë sot. Takimi tjetër zhvillohet në Shkodër, ku Vllaznisë nuk i lejohet rezultat tjetër veç fitores ndaj Skënderbeu.
Tre pikët e çojnë një pikë larg vendit të tretë dhe kuqeblutë sot janë të karikuar në maksimum, ndërsa korçarët mund të vulosin matematikisht rënien nga Superiorja.
Në Kategorinë e Parë Bylisi ka siguruar ngjitjen dhe kundër Butrintit sot tenton të sigurojë edhe titullin kampion në këtë kategori. Erzeni ndërkohë ka mundësinë të festojë rikthimin në Superiore dhe këtë tenton ta bëjë me fitore ndaj Vorës së rënë në Kategorinë e Dytë. Më poshtë lista e dueleve për sot:
Discussion about this post