Pas mbledhjes së firmave në Fier, Vlorë dhe në Berat, për peticionin përmes të cilit do të kërkojnë dënimin me vdekje për Çalamanin, edhe qytetarët e Lushnjës i janë bashkuar edhe kësaj iniciative.
Të afërm dhe qytetarë fierakë kanë marrë nismën për të bërë një peticion me firma për referendum dhe rikthimin e dënimit me vdekje. Familjarë të 8-vjeçarit të vrarë nga monstra Çalamani në Grecalli po mbledhin firma për peticionin e rikthimit të dënimit me vdekje edhe në Lushnje.
Interesi ka qenë i lartë nga qytetarët lushnjarë për të firmosur. Qytetarët lushnjare shprehen pro dënimit me vdekje për Çalamanin, pasi ngjarjen e konsiderojnë si shumë të dhimbshme.
“Është gjynah nga Zoti, është ta varrim e mundësisht ta çajmë kështu me brisk dhe ta mbushin me kripë. E firmosa peticionin, unë kam qarë për atë fëmijë, është gjynah i Zotit, gjynah” – shprehet një qytetare.
Familjarët thanë se kërkojnë në mënyrë ultimatume varjen e tij, prandaj filluan të mbledhin firmat që të ngrenë një referendum, përmes të cilit do të kërkojnë dënimin me vdekje.
Discussion about this post