Doktori Erion Dasho, që prej vitesh ushtron aktivitetin e ekspertit të shëndetit publik në Gjermani dhe vende të tjera, përmes një postimi në rrjetet sociale, ka ironizuar mandatin e 3-të të Erion Veliajt si Kryebashkiak i Tiranës.
Dasho ironizon veçanërisht deklaratat e Veliajt për mbjelljen e 1 milionë pemëve në Tiranë, ndërsa në Frankfurt dhe Berlin, numri i pemëve është respektivisht 160 mijë dhe 500 mijë të tilla.
“Frankfurti që ka në çdo lagje parqe ku mund të ecësh e të shlodhesh dhe që është i rrethuar me pyje nga të gjithë anët, ka 160.000 pemë.
Berlini, disa herë më i madh se Frankfurti, i mbushur edhe ai me parqe dhe pyje, me një popullsi gati 4 milion banorë, ka më pak se 500 mijë pemë.
Shqiptarët që besojnë përrallën e Lalit dhe të Boratit me 1 milion pemë, përse të mos besojnë edhe përrallat e tjera dhe t’u japin votën këtyre mashtruesve??!!
Ta gëzoni Lalin edhe 4 vjet, të dashur “tironsë”… E meritoni…”, shkruan Dasho.
Discussion about this post