Vuçiç në gjurmët e Putin, ja ç’paralajmëron analistja amerikane

Presidenti i Serbisë, Aleksandër Vuçiç, dha dorëheqjen nga udhëheqja e Partisë Përparimtare Serbe (SNS), e cila qeveris Serbinë.

Vuçiç më herët kishte njoftuar se do të largohej nga drejtimi i partisë. Ai po ashtu njoftoi se duke nisur nga 28 maji do të nisë formimin e një lëvizjeje të re.

Analistja amerikane, Ivana Stradner ka komentuar lëvizjet e Vuçicit.

Nëpërmjet një postimi në Twitter ajo thotë se së fundmi presidenti serb, Aleksander Vuçiç po ndjek plotësisht hapat e homologut të tij rus, Vladimir Putin, në karrierën e tij të hershme politike, kur Perëndimi besonte me naivitet se Putini mund të ishte properëndimor.

Stradner shkruan se në këtë drejtim Vuçiç ka krijuar një lëvizje të re gjoja pro-perëndimore, në mënyrë që të pastrojë reputacionin e tij në Perëndim.

“Vuçiç po ndjek plotësisht hapat e Putinit në karrierën e tij të hershme politike, kur Perëndimi besonte me naivitet se Putini mund të ishte properëndimor… Gjëja tjetër për Vuçiçin? Ai duhet të pastrojë reputacionin e tij në Perëndim dhe ai do të krijojë një lëvizje të re të rreme “pro-perëndimore”.

Ai ka punuar për të për disa muaj dhe disa muaj më parë pashë disa serbë të rinj mbresëlënës në rrjetet sociale të cilët mburreshin se i bashkoheshin kësaj lëvizjeje”, ka shkruar ajo.

Vucic is totally following Putin’s steps in his early political career when the West naively believed that Putin could be pro-Western…

Next thing for Vucic? He needs to clean his reputation in the West and he will establish a new fake “pro-Western” movement. He has been… pic.twitter.com/abVZaanuvF

— Ivana Stradner ???? (@ivanastradner) May 27, 2023