Një futbollist në kategorinë e nëntë të Kampionatit Austriak ka marrë një pezullim rekord prej 48 ndeshjesh pas një konfrontimi që pati me arbitrin.
Pezullimi i lojtarit rus erdhi në minutën e 87’, pasi u ndëshkua nga arbitri Romano Giovani me katron të kuq, vendim ky që nuk është pritur mirë nga futbollisti Raschid Arsanukaev, qe e ka goditur me kokë kryesorin e ndeshjes.
“Do të më ndëshkosh? Ta tregoj unë se çfarë do të thotë ndëshkim”, raportohet të ketë thënë lojtari gjatë goditjes me kohë kundrejt arbitrit.
Si pasojë e goditjes me kokë, arbitri ka thyer hundën, dhe kjo çështje është marrë menjëherë nën investigim edhe nga autoritetet policore vendase, duke e shoqëruar lojtarin e klubit Victoria.
“Ne nuk mund t’i tolerojmë veprime të tilla, dhe e kemi pezulluar lojtarin nga të gjitha funksionet pranë klubit tonë”, ka thënë drejtori i kësaj skuadre, ndërsa Federata e Futbollit Austriake ka marrë vendimin që lojtari të pezullohet me 48 ndeshje jashtë fushe, që do të thotë se deri në vjeshtën e vitit 2023, ai nuk do të zbresë në fushat e blerta.
