Deputetja demokrate, Jorida Tabaku, tha pasditen e sotme në studion e emisionit “Kjo Javë” se pritshmëritë ndaj SPAK janë të larta. Tabaku, duke komentuar 15 urdhër-arrestet e SPAK lidhur me inceneratorin e Tiranës, u shpreh se është një zhvillim i mirë që hetimet për Tiranën vazhdojnë.
“Urdhrat më të lartë ishte për ministrin Koka, Bllako. E reja ishte Bashkia e Tiranës. Janë akuzat e dyta për Bashkinë e Tiranës. Për mua është një zhvillim i mirë që hetimet për Tiranën vazhdojnë. Unë kam përshëndetur dhe përshëndes çdo avancim hetimi. Duke ditur dosjen, kjo nuk mund të bëhej pa miratimin e kryebashkiakut. Dardhat pas shpinës së Veliajt pa firmën e tij, nuk e hante askush”, tha Tabaku.
Pjesë nga intervista:
Ju keni reaguar në lidhje me inceneratorin e Tiranës ku thatë se ‘Ka një kohë për të mbjellë dhe një kohë për të korrur! ‘Çfarë po korrim sot?
Tabaku:Urdhrat më të lartë ishte për ministrin Koka, Bllako. E reja ishte Bashkia e Tiranës. Janë akuzat e dyta për Bashkinë e Tiranës. Për mua është një zhvillim i mirë që hetimet për Tiranën vazhdojnë. Unë kam përshëndetur dhe përshëndes çdo avancim hetimi. Duke ditur dosjen, kjo nuk mund të bëhej pa miratimin e kryebashkiakut. Dardhat pas shpinës së Veliajt pa firmën e tij, nuk e hante askush.
Kush po e korr? Kemi të bëjmë me një grup të struktura kriminal?
Tabaku: E kam përdorur këtë shprehje edhe për ngritjen e komisioneve hetimore për inceneratorët. Besoj që është e nevojshme që në këtë moment të shikojmë se ku kemi arritur. Ky është zhvillim pozitiv politik.
A mendoni se SPAK po i përgjigjet testit?
Tabaku: Mbetet për t’u parë. Duhet të presim përfundimin e hetimeve. Pritshmëritë janë të larta. Kam keqardhjen për këtë proces. Për mua mos votimi i raportit të komisionit hetimor ka qenë keqardhje në këtë proces. Në pjesën më të madhe të kohës kam qenë edhe e vetme, pasi atëherë filloi përçarja në PD. Kur e kthej kokën pas, besoj se kemi bërë një të mirë publike.
Amendimi i ligjit për komisionet hetimore. Jeni njohur me këtë draft?
Tabaku: Jam njohur mediatikisht për këtë draft.
Do shërbejë kjo si urë komunikimi mes opozitës dhe mazhorancës?
Tabaku: Nëse ky ligj do kishte hyrë në fuqi, ne nuk do kishim pasur këto rezultate. Opozita fatkeqësisht është në minorancë. Propozimi i PS i kthen komisionet hetimore në instrument të tyre dhe kufizon hapësirën e opozitën. Propozimi i PS shkon në drejtim të kundërt. PS më bllokoi shkresat. Praktikisht duhet të kemi një komision hetimor.
Refuzimi i ngritjes së komisioneve hetimore është bërë shkak i përplasjes në Kuvend. Mazhoranca i ka quajtur jo të formuluara objektet, pse nuk e bën opozita?
Tabaku: Nuk kanë kërkuar mirë formulim. Kush janë ata të gjykojmë për kushtetutshmërinë? Në disa raste i është drejtuar Gjykatës Kushtetuese, por nga një anë nuk ka shumë kohë fizike.
Discussion about this post