Deputetja e PD, Jorida Tabaku ka sulmuar ashpër qeverinë ditën e sotme sa i përket rritjes së cemit të energjisë për familjet. Përmes një postimi në Facebook ajo shprehet se për 500 mijë familje është rritur çmimi i energjisë ndërsa tashmë kërkojnë të kalojnë në një tjetër fashë më të lartë. Sipas saj qeveria mashtron qytetarët duke iu thënë se është rritur çmimi i energjisë në tregun botëror dhe prandaj po rritet edhe tek në. Në fakt, sipas Tabakut, kriza energjetike tek ne ndodh për shkak të keqmenaxhmit, për shkak se qeveria shet e blen energji pra kriter dhe tashmë barra bie mbi qytetarët.
“E rritën çmimin e energjisë për mbi 500.000 familje shqiptare dhe sot vijnë dhe thonë, prezantojnë një fashë tjetër. Sot, bizneset e një fashe te caktuar paguajnë 18.8 leke për KË/ore. Çmim i rritur pa asnjë vendim nga ERE i cili ka sjelle rritjen e te gjitha çmimeve zinxhir, ne produkte, çmim i cili ka sjellë rritjen e një pjesë të madhe të shërbimeve , çmim I cili sot reflektohet në xhepat e të gjithë qytetarëve shqiptarë.
Lexova me shumë interes një letër të cilën kryeministri kishte nisur qytetarëve shqiptarë dhe i thoshte i përmalluar se çmimi i energjisë në tregjet ndërkombëtare nga 50 euro/KË ka shkuar 250 pothuajse në disa raste edhe 500 prandaj do detyrohemi që të rrisim edhe çmimin e energjisë. Së pari një herë për dijeninë e atyre që i shkruajnë letrat në tregjet ku blihet, shkruhet MË/ore jo KË/ore kushdo që e ka shkruar të paktën ta ketë dijeninë e kësaj, së dyti të gjitha problemet që kanë ardhur këtë periudhë të cilat I keni denoncuar qe në shtator janë problem menaxhimi.
Probleme të cilat lidhen me vendimmarrjet që i ka marrë qeveria gjatë muajit gusht dhe shtator për të shitur dhe blerë energjinë në pikë ose jo, sezon ose jo të cilat sot kanë influencuar edhe ne financat e ndërmarrjes e cila merret me energjinë elektrike, me sigurisht operatorin shtetëror të energjisë elektrike.Ndër të tjera Tabaku tregon se OSHE ka të hapur një gjyq në Arbitrazh, pasi është një nga abuzuesit më të mëdhenj për tenderë. “Por të thuash sot që OSHE, e cila meqë ra fjala ka edhe një gjyq në arbitrazh për të cilin u njoftuam dje. Të thuash sot që OSHE “është një nga ndërmarrjet me qëndrueshmërine me te madhe financiare”, kur në çdo raport të kontrollit të lartë të shtetit njihet fakti që “OSHE sot është një nga abuzuesit më të mëdhenj si në tendera publike ashtu edhe në shërbime”. Mua më duket jo pa aftësi, por më duket arrogancë të vish të flasësh kështu për qytetarët shqiptare”, shprehet ajo.
Discussion about this post