Deputetja e PD, Jorida Tabaku vazhdon turin e saj të takimeve me bizneset në terren, nga ku diskuton me ta në lidhje me shqetësim e tyre dhe kërkesat që kanë. Përmes një postimi në Facebook, ajo ka publikuar disa foto ku tregon se disa sipërmarrës i kanë shprehur asaj krizën e madhe financiare në të cilën ndodhen.
Sipas Tabakut, pavarësisht lehtësimit të situatës pandemike dhe lehtësimit të masave kufizuese bizneset vazhdojnë të kenë xhiro të ulët dhe të ardhurat nuk iu dalin as për të përballuar detyrimet që kanë ndaj shtetit. “Hallet e shqiptarëve janë të shumta, rënia e konsumit, biznese që kanë edhe më pak xhiro. Nuk zgjidhen hallet e qytetarëve dhe as demokratëve duke e kthyer opozitën në bunker personal.Më pak fitime si pasojë e situatës së ekonomisë post pandemi edhe keqmanaxhimit.
Ndërsa takoja qytetarët në rrugën Petro NIni Luarasi, ata kërkonin një opozitë të flasë për hallet e tyre jo për hallin tonë! Situata është më e rënduar se sa ajo përpara 25 prillit. Ne duhet të jemi aty për to! Shqipëria sot është në një krizë të thellë që po ua vështirëson jetën qytetarëve edhe si pasojë e një shteti që mendon për interesin e tij personal”, shkruan ajo. Ndërsa shprehet në përfundim se e vetmja rrugë për të shpëtuar bizneset dhe të gjithë qytetarët shqiptar është rrëzimi i kësaj qeverie. E.H/gijotina.com/
Discussion about this post