Kryeministri i Kosovës, Albin Kurti ka thënë se gjatë muajit maj do të udhëtojë drejt SHBA’së. Tha se raportet në mes të dy vendeve janë shumë të mira, por se Kosova ka nevojë për më shumë investime.
“Do të shkojë besoj në muajin maj, do të zhvillojë takime me administratën Biden dhe diasporën tonë dhe shumë takime të tjera”, është shprehur Kurti.
Gjithashtu, Kurti është shprehur se ata e mirëpresin vizitat e njëri-tjetrit por atij në periudha të caktuara i duhet të caktoj prioritetet, dhe SHBA’të janë prioritet konceptual e funksional por në anën tjetër,ai thotë se nuk mund të shkoj në SHBA dhe të rri dy ditë.
“Në të gjitha shkëmbimet që i kemi ne mirëpresim vizitat e njëri-tjetrit por mua në periudha të caktuara mua më duhet t’i caktoj prioritetet e SHBA’të janë prioritet konceptual e funksional por në anën tjetër siç ua kam thënë edhe gazetarëve në një konferencë për media, nuk mund të shkoj në SHBA dhe të rri dy ditë. Ndoshta dikush edhe e ka bërë këtë gjë. Por mua më duhen nja dy javë. Po është e vështirë të planifikojë një vizitë dy javore në SHBA, edhe me Hill këtu në Kosovë”, tha Kurti në RTK.
“Unë do të shkoj atje në maj, tash ftesë zyrtare nuk e di si ta quajmë, unë i njoftoj ata paraprakisht, ata më mirëpresin, organizohen takimet, verifikohet agjenda, do ta dini paraprakisht”, shtoi Kurti.
Së fundi, Kurti u shpreh se raportet me SHBA-t kanë nevojë për investime.
“Raportet me SHBA-t janë shumë të mira por kemi nevojë për më shumë investime”, tha kryeministri.
Discussion about this post