Deputeti i Partisë Demokratike, Tritan Shehu, në një reagim që ka bërë në rrjetin e tij social Facebook, shkruan se “në vigjilje të takimit ndërqeveritar Shqipëri-Kosovë, marrëdhëniet janë në nivelin më të ulët”.
Sipas tij përgjegjëse për këtë është politika e kryeministrit Edi Rama.
“Takimet e deritanishme bilaterale janë sfumuar nga veprimet e tij, që i kanë çuar marrëdhëniet në një pikë të rrezikshme për Shqipërinë, Kosovën dhe shqiptarët e Rajonin.
Kjo lind kryesisht nga kondicionimi i marrëdhënieve Shqipëri-Kosovë prej marrëdhënieve dhe afrimitetit të Ramës me Vuçiç e Serbinë, mbështetja e projekteve për hegjemoninë e saj në Rajon, ku kërkon të dominojë dhe të sfumojë pavarësinë e Kosovës”.
Discussion about this post