Partia Demokratike ka denoncuar përdorimin e ambasadës së Shqipërisë në Athinë për mbajtjen e takimeve elektorale të Partisë Socialiste duke shkelur çdo kod dhe ligj etike.
Indrit Hoxha, Sekretar për Emigracionin në Partinë Demokratike, në një konferencë për shtyp u shpreh se një tjetër shkelje e partisë në pushtet është caktimi i atasheut ushtarake Roland Berxhani si koordinator për zgjedhjet e PS në Athinë.
“Ambasada e Republikës së Shqipërisë në Athinë është kthyer në zyrë elektorale të Partisë Socialiste. Informacione ardhur në PD bëjnë me dije organizimin e një takimi të brendshëm partiak në mjediset e përfaqësisë diplomatike shqiptare në Athinë duke shkelur ço ligj e kod etike, përfaqësues të PS kanë organizuar takim brenda zyrave ku stema është e Republikës së Shqipërisë. Futja aty e flamujve simboleve partiake është mjerim përdhosje e idesë së shtetit. përvetësimi i simboleve kombëtare dhe devijimi i vullnetit të taksapaguesve shqiptarë për qëllime partia është një rekord i zi që nuk i bën nder asnjë PS normale. PD dënon me forcë pranimin në takimi të ministres Mirela Kumbaro, Damian Gjiknuri dhe Laert Duro dhe bën thirrje për hetimin e kësaj shkeljeje flagrante. Dënojmë edhe caktimin atasheut ushtarake Roland Berxhani si koordinator për zgjedhjet e PS në Athinë. Përfshirjen e një zyrtari aq më tepër të një atasheu partiak cënon dinjitetin e forcave të Armatosura të një vendi të NATO, po ul edhe kredibilitetin e ambasadës tek bashkatëdhetarët tanë atje. Kthimi i ambasadës me zyrë me aneks i PS është një atentat që qeveria i bën shtetit dhe imazhit të Shqipërisë. I bëj thirrje bashkatëdhetarëve të na informojnë për çdo kundravajtje atje. PD do ju jetë në krah”, tha Hoxha.
Discussion about this post