Talebanët arrestuan katër anëtarë të grupit militant të Shteti Islamik në veri të Kabulit, tha zëdhënësi i tyre të mërkurën, ndërsa dëshmitarët thanë se dy luftëtarë talebanë u qëlluan dhe u vranë në lindje të vendit, duke ngritur spektrin e një konflikti në rritje.
Mujahid nuk dha detaje të tjera. Dega lokale e Shtetit Islamik, Shteti Islamik-Provinca Khorasan (IS-K), nuk i ka komentuar këto pretendime.
Qëkur talebanët kanë marrë kontrollin e Afganistanit në muajin gusht, militantët e IS-K kanë shtuar sulmet kundër sundimtarëve të rinj të këtij vendi.
I fundit ka ndodhur më 3 tetor, kur grupi ka marrë përgjegjësinë për një shpërthim vdekjeprurës pranë hyrjes së një xhamie në Kabul.
Talebanët dhe militantët e IS-K janë rivalë dhe ata kanë luftuar njëri-tjetrin edhe para se talebanët të merrnin pushtetin në Afganistan.
