Talibanët kanë ekzekutuar vëllain e Amrullah Saleh , një ish zëvendëskryeministër i cili më vonë u bashkua me forcat opozitare në Luginën Panjsir.
Lajmin e ka bërë të ditur nipi i tij.
” Xhaxhai im u ekzekutua. Ata e vranë atë dje dhe nuk do të na lejojnë ta varrosim”-u citua Abdullah Saleh të ketë thënë për Reuters.
Talibanët shpallën të martën një qeveri islamike të përkohëshme, duke thënë se ajo do të drejtohet nga Mullah Hasan Akhundi, një bashkëpunëtor i ngushtë i themeluesit të lëvizjes islamike, Mullah Omar.
Njoftimi erdhi një ditë pasi talebanët deklaruan se kishin pushtuar provincën veriore të Panjshirit, duke i dhënë fund bazës së vetme të rezistencës së armatosur ndaj sundimit të tyre në vendin e shkatërruar nga konflikti.
Zëdhënësi kryesor i talebanëve Zabihullah Mujahid tha në një konferencë shtypi në Kabul se të gjitha emërimet ishin në detyrë dhe se krerët e ministrive të tjera do të emërohen së shpejti.
Akhund, që besohet të jetë në të 60-at, vjen nga provinca jugore afgane e Kandaharit, ku është themeluar lëvizja Talebane. Ai kishte udhëhequr këshillin drejtues të grupit, i cili kishte urdhëruar sulme kryengritëse kundër Shteteve të Bashkuara dhe forcave aleate gjatë gati 20 viteve të luftës.
Mulla Abdul Ghani Baradar, kreu i zyrës politike të grupit, do të shërbejë si zëvendëskryeministër në qeverinë e përkohëshme. Sirajuddin Haqqani do të jetë ministër i brendshëm.
