Paris Saint-Germain dhe Lionel Messi do të mbyllin bashkëpunimin në fundin e këtij sezoni teksa plani i rinovimit dështoi. Pas një udhëtimi pa leje nga klubi në Arabinë Saudite, bashkëpunimit të “pleshtit” me klubin francez i erdhi fundi teksa edhe tifozët tashmë janë vendosur kundër argjentinasit dhe e përcollën me një lumë ofendimesh.
OBJEKTIV, AFRIMI I TALENTEVE FRANCEZE
Ndërkohë, drejtuesit e PSG kanë nisur nga puna për skuadrën e sezonit të ardhshëm dhe objektivi është që në organikë të ketë më shumë lojtarë francezë në mënyrë që edhe lidhja me fanellën të jetë më e fortë. Sipas shtypit francez në fokusin e kryeqytetasve janë dy vëllezërit Thuram, Marcus dhe Khephren, Manu Kone i Borussia Monchengladbach, Todibo i Nice, Diaby i Bayer Leverkusen si dhe Kolo Muani i Eintracht Frankfurt.
GJITHASHTU, SYNOHET AFRIMI LOJTARËVE TË KONFIRMUAR “LOW-COST”
Sigurisht, emrave të sipërmpërmendur, drejtuesit e PSG synojnë t’i shtojnë edhe futbollistë të konfirmuar tashmë më Europë si Victor Osimhen, Bernardo Silva, Aymeric Laporte, Lucas Hernandez apo edhe Fikayo Tomori. Tashmë, mbetet për t’u parë në çfarë mase do të arrijë të realizohet projekti i parisienëve, por puna ka nisur dhe lista është gati.
Discussion about this post