Pas futjes së ushtrisë ruse në Ukrainë, Çernobili u kthye në një “fushëbetejë”. Sipas BBC, këshilltari i Presidentit të Ukrainës, Mykhaylo Podolyak ka deklaruar se zona përreth ish-centralit bërthamor nuk është e sigurt.
“Pas një beteje të ashpër, ne humbëm kontrollin e vendndodhjes së Çernobilit” – tha këshilltari presidencial.
BBC ka publikuar një video të shpërndarë në rrjetin social Twitter ku shihen disa tanke ruse të stacionuara jashtë godinës së ish-centralit bërthamor. Çernobili ishte vendi i një prej fatkeqësive më të këqija bërthamore në histori, kur një nga katër reaktorët e tij shpërtheu në vitin 1986.
Discussion about this post