11 persona kanë rënë në prangat e Policisë së Fierit në orët e fundit për vepra penale të ndryshme. Sipas informacione një 49- vjeçar është arrestuar në flagrancë pasi drejtonte mjetin në gjendje të dehur dhe më pas është përplasur me bordurën e trotuarit duke marrë dëmtime të lehta. Ndërkohë, është arrestuar edhe një 21 vjeç, banues në Kuçovë, pasi në fshatin Barbullinjë, duke drejtuar automjetin tip “Benz” ka përplasur një 78 -vjeçar, i cili po lëvizte me biçikletë dhe ndodhet në spital nën kujdesin e mjekëve.
Sakaq, kujtojmë se në javët e fundit në qytetin e Fierit kanë ndodhur disa aksidente , ku shkaqet kryesore kanë qenë shpejtësia tej normave të lejuara apo drejtimi i mjetit në gjendje të dehur. Ndërsa rreziku për aksidente shtohet edhe për shkak të lagështirës në rrugë, nga moti i keq që ka përfshirë vendin tonë. Policia bën apel për shoferët që të tregohen të të kujdesshëm pasi me ardhjen e ngricave, shtohet rreziku për aksidente.
Discussion about this post