Milani është i vendosur të përforcojë mesfushën, në një merkato që nuk po sjell vetëm largime. Me rikthimin e mundshëm të Massimiliano Allegrit në pankinë, kuqezinjtë po punojnë për të rikthyer balancën në repartin qendror, ku largimet e Tijani Reijnders dhe ndarja e mundshme me Yunus Musah kanë lënë një boshllëk të dukshëm.
Igli Tare, tashmë pjesë e strukturës drejtuese, po punon për t’i ofruar trajnerit toskan alternativa me eksperiencë dhe personalitet. Emri që spikat mbi të gjithë është ai i Granit Xhakës, aktualisht pjesë e Bayer Leverkusen dhe me një të kaluar të gjatë te Arsenali. Lojtari zviceran, i njohur për qëndrueshmërinë dhe lidershipin në fushë, është në listën e ngushtë të dëshirave të Milanit, siç raporton La Gazzetta dello Sport.
Megjithatë, marrëveshja nuk është e lehtë. Leverkusen nuk është i prirur ta lëshojë lehtë Xhakën, që ka kontratë deri në vitin 2028 dhe një vlerësim rreth 12 milionë euro. Pavarësisht kësaj, Milani beson se mund të negociojë për ta bërë të mundur këtë transferim.
Në pritje të një përgjigje edhe nga Adrien Rabiot, i kontaktuar nga Allegri, por ende i lidhur me Olympique Marseille, Milani po shqyrton edhe alternativa më të reja dhe më të shtrenjta si Ardon Jashari nga Brugge (vlerësuar 35 milionë euro), ndërsa një pistë më e arritshme është ajo e Javi Guerra nga Valencia, aktualisht me përfaqësuesen U-21 të Spanjës.
Me të ardhurat nga shitjet, kuqezinjtë pritet të bëjnë lëvizje të rëndësishme në ditët në vijim.
gijotina.com/
Discussion about this post