Situata në qarkun e Dibrës është normalizuar, pas reshjeve të dendura të dëborës që ranë dje. Rrugët janë të kalueshme me përjashtim të aksit Peshkopi – Lurë, kur trashësia e dëborës ka arritur deri në 20 cm.
Gjatë natës, reshjet janë ndërprerë dhe kanë nisur pas orës 8 të ditës së sotme. Në lartësinë mbi 800 metra mbi nivelin e detit ka prezencë të borës.
Rrugët kombëtare janë të kalueshme dhe pa probleme.
Në pikën më të lartë të Rrugës së Arbrit, segmenti i baypasit të Qafës së Murrizit 1240 m, për momentin nuk ka reshje dhe nuk shfaqen probleme.
Aksi Peshkopi – Kukës ka prezencë të borës nga Sllova deri në Vasie, rruga është e kalueshme, por autoritetet u bëjnë thirrje drejtuesve të mjeteve të përdorin goma dimërore dhe të vendosin zinxhirët në rast nevoje.
Peshkopi – Lurë është e pakalueshme pasi trashësia e borës kalon 20 cm në Lan Lurë.
Aksi Ura e Çerenecit – Librazhd paraqitet normal deri në Klenjë. Nga Klenja drejt Steblevës bëhet me zinxhirë.
Deri në këto momente nuk ka zona të izoluara. Furnizimi me energji elektrike ka qenë normal.
Discussion about this post