Roberto Mancini ia ka dalë të transformojë për mirë kombëtaren e Italisë. Katër herë kampionët e botës prekën fundin në vitin 2018, duke mos u kualifikuar në Botërorin e Rusisë. 56-vjeçari mori drejtimin e Italisë tre vite më parë.
Drejtuesit e FIGC janë të kënaqur me punën e teknikut dhe sot kanë zyrtarizuar rinovimin me trajnerin. Kontrata e re do të përfundojë në vitin 2026, teksa Mancinit do t’i dyfishohet edhe rroga. Një vlerësim i madh për punën fantastike që po bën në stolin e kombëtares së kaltër.
Edhe pse rivaliteti është shumë i madh, Mancini ka theksuar disa herë që djemtë e tij do të synojnë fitimin e Euro 2022. Ai gjithashtu tani është pjesë e projektit për Kupën e Botës së vitit të ardhshëm, por edhe asaj të ardhshme që do zhvillohet në SHBA, Meksikë dhe Kanada.
