Të gjithë personat që kanë një pagë prej 40 mijë lekësh të rinj, duke filluar nga korriku i ardhshëm, nuk do të taksohen.
Qeveria ka vendosur që paga dysheme e cila nuk do t’i nënshtrohet tatimi shkon në 40 mijë leke të rinj, nga 30 mijë që është aktualisht. Gjithashtu po parashikohet te rishikohen dhe disa kufij për sa i përket pagave të tjera. Ky projektligj është ende në draft, por pritet që të vendoset në funksion. Sipas draftit parashikohet se tatimpaguesit me paga deri në 50 mijë lekë përgjysmohet tatimi për të ardhurat për fashën nga 30 deri në 50 mijë lekë që sot është 13%.
Tatimi progresiv është parashikuar të ndryshohet. Kështu taksimi 23% mbi të ardhurat personale do të aplikohet vetëm në pagat mbi 200 mijë lekë të rinj, teksa momentalisht është 150 mijë. Për pagën mbi 200 mijë lekë do ketë si tatim edhe një shumë fikse prej 22 e 100 lek në muaj.
Ky projektligj fillimisht duhet të kalojë në këshillin e ministrave e më pas të diskutohet në parlament.
