E blerë me buxhetin e shtetit dhe e hedhur në koshin e plehrave. Kjo është shkalla e zjarrfikëses që çoi në arrestimin e 8 personave në Bashkinë e Durrësit.
Tenderi për blerjen e shkallës ka kushtuar 7 milion lekë.
Siç shihet në foton e siguruar nga gijotina.com shkallët kanë përfunduar në vendgrumbullimin e plehrave tek parku i autobusëve në qytet.
Theksojmë se nga operacioni i SPAK, mes tetë të arrestuarve, gjashtë janë zyrtarë të bashkisë. Organi i posaçëm i akuzës njoftoi se dyshohet që këta persona kanë bashkëpunuar me njëri tjetrin, kanë manipuluar garën për tenderin me vlerë të fondit limit prej 7 083 000 lekë në periudhën Maj-qershor 2020 për blerje autoshkalle për mbrojtjen nga zjarri dhe shpëtimin.
Mes të arrestuarve janë Patriot Beqaraj, i cili ka qenë më herët drejtor i Drejtorisë së Burimeve Njerëzore dhe gjatë procesit të tenderimit anëtar i Komisionit të Vlerësimit të Ofertave dhe dyshohet se ka favorizuar fituesin.
Zyrtari tjetër i lartë është Adriatik Velaj, drejtor i Shërbimit të Mbrojtjes nga Zjarri në bashkinë Durrës.
