Të dënuar me burg, ekstradohen 2 shqiptarë nga Gjermania dhe Britania

Dy shqiptarë janë ekstraduar në Shqipëri nga Gjermania dhe Mbretëria e Bashkuar.

Nga Gjermania, u ekstradua 34-vjeçari Abedin Bacja. Ai është dënuar me 5 vjet burgim, nga Gjykata e Durrësit, për veprën penale “Heqja e paligjshme e lirisë”.

Ky person, Në vitin 2013, shtetasi Abedin Bacja dhe 2 shtetas të tjerë, kanë marrë me forcë, në automjet një shtetas. Më pas kanë telefonuar babanë e tij, të cilin e kanë kanosur për jetën e tij, nëse nuk iu jepte shumën 7500 euro.

Ndërsa nga Mbretëria e Bashkuar u ekstradua një 43-vjeçar, të cilit, Gjykata e Matit, në vitin 2021, i ka caktuar masën e sigurisë “Arrest në burg”, për veprat penale “Dhuna në familje” dhe “Shkatërrimi i pronës”.

Në vitin 2021, ai ka goditur në kokë dhe në trup me levë hekuri kunatin e tij, dhe i ka dëmtuar automjetin.