Vijon rritja e fortë e shkëmbimeve tregtare mes Kosovës dhe Shqipërisë. Shkëmbimet jo vetëm kanë kapërcyer problemet e pandemisë por i janë rikthyer ritmeve të rritjes para karantinës ë kufizoi lëvizjet.
Sipas të dhënave të INSTAT, rezulton se Shqipëria ka eksportuar këtë nëntor në Kosovë mallra me vlerë 4 miliardë lekë, duke njohur rritje me 1.4 miliardë lekë. Në rang 11 mujori (janar-nëntor) Shqipëria ka eksportuar në Kosovë mallra më vlerë 35 miliardë lekë, duke njohur rritje me rreth 12 miliardë lekë.
Edhe importet nga ana tjetër kanë njohur rritje. Në nëntor, Shqipëria importoi nga Kosova mallra me vlerë 2 miliardë lekë; rreth 1.2 miliardë më shumë se nëntori i vitit të kaluar. Ndërsa në rang 11 mujori, Shqipëria ka importuar nga Kosova mallra me vlerë 12.6 miliardë lekë, duke njohur rritje me 5.2 miliardë lekë më shumë.
Po nga të dhënat e INSTAT, ndikimin më të madh në rritjen e eksporteve me Kosovën e ka pasur grupmallrat ‘minerale, lëndë djegëse e energji elektrike’ si dhe ‘materiale ndërtimi dhe metale’, që kanë pasur rritjen më të madhe.
Discussion about this post