Të fundit në rajon për lirinë e medias, reagon Rama: Jemi të gatshëm të marrim përgjegjësitë e nevojshme!

Kryeministri Edi Rama ka reaguar ditën e sotme nëpërmjet një statusi në rrjetet sociale, për raportin e “Reporterëve pa Kufj” për lirinë e medias.

Sipas Ramës, qeveria është e gatshme të marrë të gjithë përgjegjësitë e nevojshme për të ndihmuar situatën në media.

Postimi i plotë:
Çështja e lirisë së informacionit është një nga më të rëndësishmet sot dhe dua të falënderoj Reporterët pa Kufij për raportin e tyre depërtues. Ne do ta analizojmë atë me kujdes, do të konsultohemi me të gjitha palët përkatëse dhe do të ndërmarrim veprime të mëtejshme për të përmirësuar mjedisin mediatik, për të mbrojtur lirinë e informacionit, për të luftuar dezinformimin dhe për të forcuar të drejtat e gazetarëve. Ne jemi shumë të shqetësuar nga gjetja kryesore e raportit: se liria e medias është nën kërcënim globalisht. Qeveria shqiptare është e gatshme të marrë të gjitha përgjegjësitë e nevojshme për të ndihmuar në përballjen e kësaj tendence.

Rikujtojmë që sipas raportit të “Reporterët pa Kufij” Shqipëria ka një përkeqësim të situatës, duke u renditur më poshtë se vendet e Rajonit. Konkretisht në vend të 99 nga 180 shtete. Ndërsa në krahun tjetër Kosova renditet në vendin e 75.