Belind Këlliçi, i cili në 14 maj kandidoi për Bashkinë e Tiranës nën siglën e koalicionit “Bashkë Fitojmë” u shpreh se opozita duhet të analizojë atë që ndodhi në zgjedhjet e fundit dhe të bëhet gati për zgjedhjet e 2025.
I pranishëm në studion e Syri Tv, Këlliçi u shpreh se mes demokratëve duhet të gjehet gjuha, duhen tejkaluar ambiciet personale, duhet të bashkohemi, duhet të bashkojmë çdo demokrat, për të bërë të mundur fitoren e zgjedhjeve parlamentare.
“Ne duhet të shohim edhe brenda vetes, patjetër, duke nisur nga unë i pari.
Çfarë duhet të bëja unë më shumë, çfarë mund të kisha bërë më mirë, çfarë mund të kisha ndrequr gjatë kësaj fushate, çfarë mesazhi duhet të kisha dhënë më shumë?!
A duhet të kisha harxhuar edhe më shumë kohë në terren?! Patjetër, ka njëmijë gjëra që mund t’i kisha bërë më mirë, po padiskutim edhe ekipi i Partisë Demokratike duhet të shohë nga vetja. Ne të gjithë duhet të ulemi për të bërë një analizë të vërtetë me veten tonë.
Ore, a kemi ne qëllim që në 2025 të bëhemi deputetë e të rrimë në opozitë dhe të mbajmë monopolin e opozitës apo ne kemi qëllim që të mundim Edi Ramën e të fitojmë?!
Në kuadër të kësaj të dytës, ne duhet të bëjmë gjithçka, gjithçka, duhet tejkaluar çdo ambicje personale e ego për të bërë të mundur që ne, në 2025-ën…
A ka mundësi, zgjedhje të parakohshme?! Duhet gjetur gjuha, duhet gjetur gjuha për t’u bashkuar. Nuk po them me “Vulën” – por po them me çdo demokrat që nuk e gjen veten plotësisht te projekti ynë për momentin.”, tha Këlliçi.
Discussion about this post