Ali Ahmeti, kryetar i Bashkimit Demokratik për Integrim (BDI) në Maqedoni, ka komentuar protestën e planifikuar për nesër në Tiranë, ku do të kërkohet drejtësi për ish-krerët e Ushtrisë Çlirimtare të Kosovës (UÇK), të cilët po gjykohen nga Gjykata Speciale.
Ai shtoi se protesta ka për qëllim të ngrejë zërin kundër asaj që e konsiderojnë padrejtësi të madhe ndaj UÇK-së. “Të gjithë jemi UÇK, dhe kjo nuk është një protestë e ndonjë grupacioni, por e Ushtrisë Çlirimtare të Kosovës. Synimi është të dërgohet mesazhi se UÇK nuk është ndërmarrje kriminale, por organizatë çlirimtare,” tha Ahmeti. në T7.
Sipas tij, prokuroria ka devijuar lëndën duke përdorur akuza të sajuara dhe dëshmi të manipuluara, të cilat, sipas Ahmetit, janë motivuar edhe nga shërbimet sekrete serbe. Ai e quajti këtë një “padrejtësi të madhe” ndaj Ushtrisë Çlirimtare të Kosovës dhe theksoi rëndësinë e protestës për të dërguar një mesazh kombëtar dhe ndërkombëtar.
Ngjarja në Tiranë do të zhvillohet në sheshin “Skënderbej” dhe pritet të ketë pjesëmarrje të konsiderueshme nga qytetarë dhe veteranë të UÇK-së.
Discussion about this post