Ndërsa familja e Mateos vazhdon peticionin në çdo qytet të vendit për të kthyer dënimin me vdekje, vrasësi i tij Klodian Çalamani ndodhet në burgun e Vlorës. Bëhet me dije se, gjendja e Çalamanit në burgun e Vlorës paraqitet e qetë dhe se vijon të qëndrojë në izolim në ambientet e këtij burgu. Bëhet me dije Ai nuk është vizituar në burg nga asnjë i afërm i tij, dhe asnjë prej të burgosurve nuk i ka ofruar veshje, duke mbajtur të njëjtën veshje që kishte kur u arrestua. Kjo situatë, duket si një shenjë që të gjithë duan ta “ndëshkojnë” Çalamanin pasi i mori jetën në mënyrë barbare 8-vjeçarit, Mateo.
Gjithashtu, bëhet me dije se Çalamani nuk ka as përfaqësues ligjor, pasi edhe avokati i caktuar nga shteti nuk ka pranuar që të përfaqësonte këtë çështje. Vrasja e Mateos ka tronditur mbarë opinionin publik, ndërkohë që familja e tij po bën një peticion ku kërkon dënimit me vdekje të autorit.
Klodian Çalamani, vrasësi i 8-vjecarit Mateo Vasiu në Grecalli të Fierit, është izoluar prej mbrëmjes së 18 nëntorit në paraburgimin e Vlorës. Kjo për të shmangur sulmet që mund të bëjnë ndaj tij të gjithë të paraburgosurit e tjerë. Gjatë ditës së sotme, familjarët e Mateo protestuan për disa minuta para burgut të Vlorës dhe janë shprehur se nuk do të dorëzohen derisa të shohin të varur në mes të Fierit.
Discussion about this post