Ambasadorja e SHBA në Shqipëri, Yuri Kim ka zhvilluar një takim me Drejtorin e Doganës Gent Gazheli. Lajmin e ka bërë të ditur vet ajo përmes një statusi në rrjete sociale, ku shkruan se fokusi i kësaj bisede ishte lehtësimi i lëvizjes legjitime të mallrave, duke doitur korrupsionin dhe krimin. Kim gjithashtu nënvizoi dhe rritjen e import-eksporteve mes dy vendeve.
“Faleminderit Drejtorit të Doganës Gent Gazheli për diskutimin e javës së kaluar mbi bashkëpunimin SHBA- Shqipëri për të lehtësuar lëvizjen legjitime të mallrave duke goditur korrupsionin dhe krimin. Është mirë të shihet se importet nga SHBA janë rritur 17% ndërsa eksportet shqiptare janë rritur me 33% deri më tani këtë vit. Trendi i mirë!”
Ambasadorja e SHBA, gjithashtu theksoi se forcimi i kontrolleve doganore do të rrisë edhe të ardhurat për vendin tonë, teksa evidentoi rritjen e të ardhurave nga dogana, krahasuar me vitin 2020.
“Forcimi i kontrolleve doganore do të rrisë edhe të ardhurat për Shqipërinë. Deri më tani këtë vit, Dogana ka mbledhur 1,5 miliardë dollarë – një rritje e madhe nga 1,1 miliardë dollarë në të gjithë vitin 2020. SHBA do të forcojë më tej mbështetjen për të forcuar sigurinë kufitare, për të rritur të ardhurat për Shqipërinë dhe për të nxitur biznesin midis SHBA dhe Shqipërisë”, shkruan ambasadorja.
Discussion about this post