Gjatë komunikimit të tij për mediat, kreu i grupit parlamentar të Partisë Socialiste Taulant Balla bëri thirrje që askush të mos shkojë pas Berishës dhe Metës. Mesazhi vjen pak ditë para protestës që do të mbahet më datë 12 nëntor në Tiranë, kundër regjimit të qeverisë Rama.
Sipas Ballës, opozita kërkon të destabilizojë Shqipërinë. Ndërkohë, ndër të tjera socialisti iu drejtua SPAK-ut, duke thënë që të hetojë Berishën, Bashën dhe këdo tjetër që përfshihet në financimet ruse të Partisë Demokratike.
Balla: I gjithë publiku shqiptar duhet ta ketë në vëmendje, teksa përballemi me situatë të vështirë dhe Europa është nën kërcënimin e një lufte, ajo që bie në sy është përpjekja e një aleance të vjetër mes Berishës dhe Metës për të dëmtuar interesat e Shqipërisë në këtë momentt të vështirë dhe historik.
Fakt që ende PD dhe Berisha nuk japin shpjegim për financimet ruse që kanë hyrë në PD dhe PD ndërlidhet që nga viti 2008, e më herët me mbajtjen e të njejtave qendrime, që jemi në një moment të vështirë në Kosovë ku listat serbe tërhiqet nga Kuvendi, kanë depozituar doreheqjen e inateve, opozita kërkon destabilizimin e vendit. Është dobi që këtyre haxhi qamilëve nuk duhet tu shkoj askush nga pas se është e rëndë që këta dy njerëz , flasin me të njëjtën gjuhë.
Ju nënqeshni kur ne iu thonim se PD ka marrë 600 mijë dollarë financime ruse dhe kur CIA konfirmoi që PD ka marrë financime, kjo nuk është më cështje për të pasur dyshime. I bëj thirrje zotit Kraja që Prokuroria ,që Basha e Berisha dhe kushdo që ka ngjyer gishtat e Pd në corbën e rublave ruse të thërriten dhe hetohen në SPAK.
Discussion about this post