“Të hetohet sulmi i 24 shtatorit”, Lajçak: Ja çfarë presim nga Kurti e Vuçiç

Emisari i BE-së për dialogun Kosovë–Serbi, Miroslav Lajçak, ka reaguar në rrjetet sociale pas takimeve që pati sot me Kryeministrin e Kosovës Albin Kurtin dhe Presidentin serb, Aleksandar Vuçiç.

Në këto takime Lajçak shoqërohej nga diplomatët gjermanë, francezë, italianë e amerikanë.

Ai shkroi se kanë theksuar rëndësinë për hetimin e 24 shtatorit, pra sulmit në Veri dhe kanë bërë thirrje për një normalizim të situatës që është shumë i nevojshëm e urgjent.

“Udhëtuam për diskutime të rëndësishme dhe thelbësore me Kryeministrin e Kosovës, Albin Kurti, dhe presidentin e Serbisë, Aleksandër Vuçiq.

Ne theksuam se 24/9 duhet të hetohet plotësisht dhe se de-përshkallëzimi dhe normalizimi janë urgjentisht të nevojshëm.

Ne presim që të dy të përmbushin plotësisht detyrimet e tyre të Dialogut”, ka shkruar Lajçak.

Travelled with 🇩🇪🇫🇷🇮🇹🇺🇸 for important and substantive discussions with PM @albinkurti and @predsednikrs. We stressed that 24/9 must be fully investigated and that de-escalation and normalisation are urgently needed. We expect both to fully meet their Dialogue obligations. pic.twitter.com/w4r7YESTwi

— Miroslav Lajčák (@MiroslavLajcak) October 21, 2023