Ish-deputeti Lefter Maliqi në protestën e Partisë së Lirisë te Inceneratori i Tiranës tha se në këtë vend është bërë vjedhje e madhe.
Maliqi theksoi se SPAK nuk mund të heshtë më për këtë aferë.
“Uroj në fillim të mbarë në këtë protestë të parë për këtë vjedhje të madhe. Ky krim nuk mund të mbulohet, sot nuk kam ardhur vetëm, por me dhjetëra qytetarë të Beratit e Kuçovës.
Edhe në javët në vazhdim besoj se do ketë protesta derisa para kryeministrisë. Opozita të ketë shpërthimin e saj. Nuk ka më opozitë të blerë e të përçarë, organizimi po bëhet bashkarisht deri në protestën finale.
Ky vend krimi për protestë është gjetje pikante nga Ilir Meta dhe të jeni të bindur se opozita është gati për t’ja bërë ditët më të shkurtra kësaj qeverie. SPAK nuk mund të heshtë për këtë aferë”, tha Maliqi.
Discussion about this post