49-vjeçarja shqiptare Klodiana Çela, e cila qëlloi me armë zjarri ish-partnerin e saj, mjekun grek, për çështjen e kujdestarisë së vajzës së tyre 13-vjeçare, ka dalë para prokurorisë.
E veshur me jelek anti-plumb dhe me duar të lidhura, 49-vjeçarja tha para gazetarëve se ajo shpëtoi fëmijën e saj, dhe nëse s’do kishte qenë për të, ajo dhe vajza do të kishin vdekur. Në gjendje të rëndë mendore, Klodiana Çela tha se ai ia kishte rrëmbyer vajzën dhe e kishte përdhunuar.
“Unë i shpëtova jetën fëmijës tim. Unë dhe vajza ime do të kishim vdekur tani. Nuk doja që t’i ndodhte askujt ndonjë gjë e keqe. Unë shpëtova fëmijën dhe jetën time. Unë nuk e kisha parë fëmijën tim, rrëmbyesin dhe përdhunuesin e saj për pesë vjet. Ai e përdhunoi, i dha drogë dhe tha se kishte epilepsi dhe e përdhunoi. Ata bënë gjithçka që të merrnin vajzën time. Së bashku me mjekë të tjerë. Mjekë të njohur që dalin nëpër kanale dhe flasin për mbrojtjen e qytetarëve. Më lanë pa shtëpi dhe më morën fëmijën. Fëmijën tim, nuk dua asgjë tjetër”, tha ajo para gazetarëve.
Në momentin që Klodiana Çela largohet, njëra prej familjareve të shqiptares dëgjohet t’i thotë “të lumtë dora“.
Më herët, shoqja e saj Komissa hodhi më shumë dritë mbi jetën e shqiptares, duke mohuar të ketë qenë problematike, por gjithçka ndryshoi kur humbi kujdestarinë e vajzës së saj.
Discussion about this post